ماش ياصياف حيلات ومحايل شفت لي بعضكم شكـه وظنّـه=الحرامي كيف يسرق له حرامي طحت لك في حفرةعشرين قامه
عقب هاك السالفه كيف انت قايل يوم جربنا السيوف المستسنّه=يوم قمنا يالحروب الحظ قامي يبعث الله امتـه يـوم القيامـه
][ صياف ][
الله اكبر كيف خيلت المخايل وانت عينك تحت رمشك مستكنّـه=مامعك غير الفتيله والحزامي والعصا اللي شلتها ظلم وغشامه
من بلد جدة ليا ضلعان حايل تتبع اديار الـروا والدلـو شنّـه=كن ما لك لالسان ولاعظامي عقب ضيعت الشداد مع المسامـه
][ مستور ][
ماجحدت بيوت ماضيين الفعايل وانت هاك اليوم ونيت لك ونّـه=يالسحيمي طيعني واسمع كلامي الغلط يوقفك في درب الندامـه
ان كثر مابيننا قيل وقايل والهقاوي يرجعـن اليـا اهـل هنّـه=لاتقرب ميسم بالنار حامي يصبح الميسم على الخديـن شامـه
][ صياف ][
انته الليله عليك الحمل مايل وان بغيت العد حنيـت لـك حنّـه=والحقيقه لاتباع ولاتسامي غشك اللي حط لـك ربـع العلامـه
لانته التالي ولا انت مع الاوايل حولت في نارنا تسعيـن قنـه=واصبحت لاهي شراب ولاطعامي ماعليّه من سبايبهـا ملامـه
