تعالوا الى هذه المقطوعة النادرة والتحفة الثمينة من قصائد لويحان لنرى ما يختزل في تفكيره من ألفاظ بلاغية وصورة جميلة وهو يتغزل في ما رأت عيناه ولا شك بأنه أخذ يعاتب قلبه ويلومه على تعلقه في هوى أجنبي لا يعرفه سوى أنه رآه يمشي عن بعد ثم وجه سؤاله الى من يستحق أن يبدي له سريرته ليطلعه على ما في داخله من لوعة وألم ويسأله : إن كان على خطأ أو صواب؟ على أن يحفظ لسانه فلا يهزأ أو يشمت به محذرا إلى أن ( البلية ) تراقب كل منطق يلوك في أعراض الناس ليبتليه الله بها يقول لويحان :
الله يعنيك يا زول نطحني بأيمن السوق=بالمدّعى حادرٍ من عند سوق الجودريه
ما نيب أعرفه لا شك انه لطلاّب الهوى عوق=يسوق راعي الهوى سوق المنجّب للمطيه
بغيت اباريه والى انه مع المطرق مرفوق=والى ان ما في يدي حيله ولا لي مقدريه
ماسوق ماسوق يا قلب الخطا ماسوق ماسوق=لو ان عندك معرفه ما تولّع باجنبيّه
يا عود موزٍ يديره بارد النسناس برفوق=فيه الثمر مال يطرب راعي العين الشقيه
يا ناس عمر الفتى لو طالت الأيام ملحوق=والمسعد اللي يحصل مقصده والنفس حيه
واين انت يالصاحب اللي في حفيّ اليد ما ثوق؟=ابدي لك السالفه وتشوف هي حق أو خطيه؟
واحفظ لسانك ترى البلوى تراقب كل منطوق=ترى البلاوي مركّبةٍ على لفظ الزرية
انا تحدّرت لبلاد الرياض وصاحبي فوق=متى على خير تلتم الرعية بالرعية؟
