.: فتنة العاشقيــن :.



ريحة المجمـول لا مرنـي ريـح معمـول=يذبـح العشـاق لا نـاظـروا سلهامـتـه
كانه اقبل صـاب قلبـي بطعنـات وذهـول=وكان قفى ماقدر اوصـف ملامـح حالتـه
نظرتـه فيهـا تحـدي وتحنـان وخمـول=ولفتته مثـل اشقـرن هـد مـن صقارتـه
لابتسم بانت ثمـان رهـاف وصـف لـول=وجملـه فرقـة ثنايـاه وايضـا شامـتـه
وان ضحك له نبرة ن تسحر اصحاب العقول=صابهـا لوعـه وهيـه مـن اول ثابـتـه
خصره الناحل ركز فوق والجسـم معـزول=مالك ن زين البشـر ليـن حتـى هامتـه
عينـه الخرسـا هدبهـا ظليـل ومخمـول=ومع سواد العيـن خـذ فالبيـاض كفايتـه
ولا تكلم بان فـي وجنتـه لمحـة خجـول=وفـوق صــدره زم تفاحتـيـن نابـتـه
الشفايـف ورد والريـق خمـري معسـول=لا مشى مشـي الدلـع هـز رافـع قامتـه
يجذب المغرم ويبعد كمـا الظبـي الجفـول=تل قلبـي حيـن شفتـه ونفسـي رامتـه
ياخفيف الدم مانـي ببـي غيـر الاصـول=ودي بكلمـه صريحـه وكلـمـه خافـتـه